Manu 11.59 - 63: Verkauf von Unverkäuflichem

रेतःसेकः स्वयोनीषु कुमारीष्वन्त्यजासु च ।

सख्युः पुत्रस्य च स्त्रीषु गुरुतल्पसमं विदुः ॥ ५९ ॥

retahsekah svayoniishu kumaariishvantyajaasu ca |

sakhyuh putrasya ca striishu gurutalpasamam viduh || 59 ||

Samenerguss in leiblichen Schwestern, unterkastigen Mädchen, in den Frauen des Freundes oder Sohnes entsprechen bekanntlich dem Beischlaf mit der Frau des Lehrers.

गोवधो ऽयाज्यसंयाज्यं पारदार्यात्मविक्रयौ ।

गुरुमातृपितृत्यागः स्वाध्यायाग्न्योः सुतस्य च ॥ ६० ॥

govadho *yaajyasamyaajyam paaradaaryaatmavikrayau |

gurumaatrpitrtyaagah svaadhyaayaagnyoh sutasya ca || 60 ||

Kuhtötung, für nicht Opferberechtigte opfern, Ehebruch, sich selbst verkaufen,

Lehrer, Eltern, Kind, das Vedastudium und das Feuer zu verlassen,

परिवित्तितानुजेन परिवेदनमेव च ।

तयोर्दानं च कन्यायास्तयोरेव च याजनम् ॥ ६१ ॥

parivittitaanujena parivedanameva ca |

tayordaanam ca kanyaayaastayoreva ca yaajanam || 61 ||

den eigenen jüngeren Bruder als erster heiraten zu lassen, selbst vor dem älteren Bruder zu heiraten, einem von ihnen die Tochter zu geben oder für die beiden zu opfern,

कन्याया दूषणं चैव वार्द्धुष्यं व्रतलोपनम् ।

तडागारामदाराणामपत्यस्य च विक्रयः ॥ ६२ ॥

kanyaayaa duushanam caiva vaarddhushyam vratalopanam |

tadaagaaraamadaaraanaamapatyasya ca vikrayah || 62 ||

ein junges Mädchen zu schänden, Wucherei, Eidbruch,

einen Teich, Garten, Frau und Kind zu verkaufen,

व्रात्यता बान्धवत्यागो भृताध्यापनमेव च ।

भृताच्चाध्ययनादानमपण्यानां च विक्रयः ॥ ६३ ॥

vraatyataa baandhavatyaago bhrtaadhyaapanameva ca |

bhrtaaccaadhyayanaadaanamapanyaanaam ca vikrayah || 63 ||

Landstreicherei, die Verwandten verlassen, Unterrichten gegen Entlohnung,

unterrichtet werden gegen Entlohnung, Verkauf von Sachen, die keine Waren sind,